I Came That They May Have Life (John 10:10-11) -Aldrin Capili

John 10:10-11 The thief comes only to steal and kill and destroy. I came that they may have life and have it abundantly. I am the good shepherd. The good shepherd lays down his life for the sheep.

Ngayong araw po ay inaalala natin ang araw ng muling pagkabuhay ng Panginoong Hesus. Every Sunday, binabati natin ang bawat isa ng Happy Lord’s Day, pero ang araw na ‘to, kung kailan muling nabuhay ang Panginoong Hesus ay ang pinaka dahilan why we celebrate the Lord’s Sunday. Wala tayong dahilan para batiin ang bawat isa ng Happy Lord’s day kung ‘di nabuhay ang Panginoong Hesus. Kaya muli, batiin natin ang bawat isa and let’s say it with conviction, sabihin natin sa bawat isa. “Happy Lord’s Day.” So, we celebrate the Lord’s Day dahil buhay ang Panginoong Hesus. At dahil buhay ang Panginoong Hesus, we also celebrate ‘yung buhay na mayroon tayo sa Panginoong Hesus. ‘Yung buhay na galing sa Panginoong Hesus.

I came that they may have life, ‘yan po ang title ng ating message for today. Sa gitna ng kanyang sermon tungkol sa kanyang sarili bilang isang Good Shepherd sa Chapter 10 ng book of John, sinabi niya sa mga Judio na nakikinig sa kanya, “I came that they may have life and have it abundantly”. I came. Dumating si Jesus, kahit walang invitation. At kung tayong mga tao ang papipiliin, sa karumihan ng puso natin, I don’t think that invitation will ever take place. Dumating si Jesus bilang katuparan ng pangako ng Diyos. Dumating si Jesus dahil merong isang bagay na hindi kayang gawin ang ating Diyos–hindi niya kayang hindi gawin yung mga sinabi niya, hindi niya kayang sumira sa kanyang mga pangako, hindi niya kayang maging unfaithful. Kahit alam ni Jesus yung mangyayari sa kanya sa lupa, dumating pa rin siya.

Jesus said, “I came.” Kahit alam kong people will reject me. I came, kahit alam kong people will disrespect me. I came, kahit alam kong humanity doesn’t deserve me. We don’t deserve the gift, we don’t deserve salvation… we don’t deserve Jesus. Still, Jesus came that we may have life. What kind of life? Marami tayong definition ng life, at kadalasan mali yung pagkaunawa natin o malayo yung pagkaunawa natin sa meaning ng life compared sa kung ano ang sinasabi ni Jesus. Ang buhay sa Panginoong Hesus is:

Not a life of performance
Sabi sa Eccles. 4:8, “Man is always working, never satisfied.” Hindi natatapos ang gawain natin sa buhay. Laging may gagawin, laging may kailangang tapusin. Laging kailangan nating maging magaling. Sabi nga ng isang tennis champion, “The thrill of victory lasts about fifteen minutes.” and then kailangan na niyang isipin kung paano ulit siya mananalo. Mayroon ngang kasabihan sa English na “Success produces life.” Pero many successful persons are still miserable.

No life in possessions
Sabi sa Eccles. 5:10, “Siyang umiibig sa salapi ay hindi masisiyahan sa salapi.”
‘Yung lifestyle natin na walang katapusang paghahabol sa kayamanan ay pinakapangit na magiging pamana natin sa ating mga anak or sa mga susunod na generations.

No life in position
Madalas ang buhay natin ay naka focus na lang sa kung paano tayo mapo-promote or kung paano tayo magiging boss. Hindi naman masamang ma-promote, pero ‘wag sanang dito na lang umikot yung buhay natin.

Not a life of pleasure
Masarap mabuhay pero nakakapagod. Maraming mga tao, ang pangarap na lang ay makapag-retire sa isang beach house, or sa Tagaytay, or sa ibang bansa. Ang goal natin ay mag-trabaho nang mag-trabaho, mag-ipon nang mag-ipon hanggang dumating yung araw na puro ginhawa na lang ang buhay. Sabi ni John Piper, “Don’t fall to that devil’s trap.” Maraming tao ang maginhawa sa buhay pero miserable pa din.

Sabi sa Eccles. 1:8,
Lahat ng mga bagay ay nakakapagod,
    higit sa masasabi ng tao;
ang mata sa pagtingin ay hindi nasisiyahan,
    ni ang tainga sa pakikinig ay walang kabusugan.

Pinipilit nating magdagdag nang magdagdag ng mga bagay na makapagpapasaya sa atin and will bring pleasure pero hindi pa rin natatapos yung mga listahan natin sa mga bagay na gusto nating makuha. Eventually, mangyayari ang law of diminishing returns. Na kahit anong idagdag natin sa buhay natin ay parang lalo lang humahaba yung listahan ng mga gusto natin.

Jesus is always better
Minsan nahihirapan akong balansehin yung mga ginagawa ko, yung mga priorities ko, trabaho, personal time, ministry, mga anak, asawa, at si Jesus. Pero wala dapat kapantay ang Panginoong Jesus. Not even your spouse or family. Kadalasan, may problema kayong mag-asawa hindi dahil kulang ‘yung oras n’yo sa isa’t isa, kundi dahil kulang ‘yung oras ninyo sa Panginoong Hesus.

Maraming mga mag-asawa ang nagkaka-problema kasi magkalayo sila, at marami rin namang mag-asawa ang araw-araw magkasama pero mas maraming problema at laging nag-aaway. Wala sa asawa mo ang solusyon sa problema mo at hindi din ikaw ang solusyon sa problema ng asawa mo. Ang Panginoong Jesus ang solusyon sa lahat ng ito.
Spending time with your kids ay maaaring mag-build ng relationship mo sa mga anak mo. Spending time with your spouse will probably strengthen yung relationship ninyong mag-asawa pero hindi dapat dito umiikot yung buhay natin.

Lagi nating tatandaan that our body is for the Lord tulad ng sinabi sa 1 Cor. 6.
Hindi dumating si Jesus that we may have a family. Dumating si Jesus para magkaroon tayo ng Jesus at dahil sa kanya, finally, mararamdaman natin yung abundance of life.

“Jesus came that we may have life.”
Again, what kind of life?

Sa Greek language ay may iba’t ibang tawag sila sa salitang buhay or life depende sa gusto nilang sabihin, depende sa ibig nilang sabihin. Pwede nila ito tawaging “bios”, kung saan kinuha yung salita biology. Kadalasan yung word na bio would refer to one’s life span, yung kanyang buhay mula sa pagsilang hanggang sa oras ng kanyang kamatayan; pwede rin itong tumukoy sa necessities of life, ‘yung mga ikinabubuhay ng isang tao like food, shelter, and clothing.

Example nito ay yung sa Mark 12:44.
Ito yung story nung babaeng balo na naghulog ng 2 small copper coins na ang halaga ay isang sentimo.

44 For they all contributed out of their abundance, but she out of her poverty has put in everything she had, all she had to live (bios) on.”

Tinutukoy dito yung kanyang physical na kabuhayan.

Isang pang Greek word na tumutukoy sa buhay or life ay yung word na “zoe”. Ito yung greek translation nung word na life dito sa verse 10. I came that they may have life (zoe). Same meaning nung salitang “life” na ginamit sa John 3:16. “For God so loved the world, that he gave his only Son, that whoever believes in him should not perish but have eternal (zoe). Ganun din sa John 14:6 Jesus said to him, “I am the way, and the truth, and the life (zoe). Zoe ay yung life na napo-produce ng faith according sa John 3:16. I am the zoe, sabi ni Jesus.

Ito ‘yung life that belongs to God at ibinibigay niya sa atin sa oras na pumasok tayo sa isang relationship with Jesus. Ito ‘yung life na hindi nalilimitahan ng oras at hindi kayang tapusin ng kamatayan. Ito ‘yung life na hindi makukuha ng isang tao kahit ilang penitesiya o kahit gaanong pagpapakabait pa ang gawin niya. It is not a possession but rather an infilling – kung paanong si Adan ay hiningahan ng Diyos para magkaroon ng buhay, dahil sa ginawa ng Panginoong Hesus ay hiningahan Niya ulit tayo ng isang bagong buhay.

Nung pinanganak tayo, nagkaroon ng bios na buhay, nung manampalataya tayo sa Panginoong Hesus, binigyan tayo ng zoe na buhay. Kung di dahil sa ginawa ng Panginoong Jesus, we may be physically alive but spiritually, we are dead.
Now, kung yung ino-offer ni Jesus na life sa John 10:10 ay pareho nung life na tumutukoy sa kung sino siya sa John 14:6. Ibig sabihin, nung sinabi ni Jesus na I came that they may life, ang sinasabi niya dito ay “I came that they may have me.”

Napakahirap nitong tanggapin para sa mga Judio lalong lalo na nung araw na nakita nilang nakapako si Jesus sa Krus, hindi nila matanggap yung savior na nakapako sa krus. Para sa kanila, the Gospel of Christ is a “stumbling block”. Isang katitisuran or stumbling block na sa Greek translation ay “skandalon”. The Gospel of Christ is “skandalon” kung saan kinuha yung salitang scandalous, it’s a disgrace or malaking kahihiyan.

Kaya hindi matanggap ng mga Judio ang Panginoong Jesus, kasi ang hinihintay nilang savior ay yung magbibigay sa kanila ng kalayaan mula sa Roman Empire, ‘yung magbibigay sa kanila ng extra ordinary strength para matalo yung mga sundalo ng Romano, ‘yung magbibigay sa kanila nung katanyagan, kaharian at kapangyarihan na mayroon sila dati.

‘Yung hinahanap nila na savior ay yung magbibigay nung mga bagay na kailangan nila at mga bagay na importante para sa kanila pero hindi ganun yung dumating na Savior. Walang dalang ganung mga bagay or ganung mga regalo yung dumating na Savior.
Dumating ang Panginoong Jesus na dala lang ang kanyang sarili at ang inaalok lang niya ay kanyang sarili. Sabi ni Jesus, “I came that they may have me”. Dumating si Jesus para magkaroon tayo ng Jesus.

Ito yung hanggang ngayon ay hindi matanggap ng maraming tao. Tinatanggap ng tao si Jesus para sa mga physical benefits mula kay Jesus. “I-Like mo lang yung page na merong picture ng kung sino, ‘di nga nila alam kung ito talaga yung picture ni Jesus, i-like mo lang ‘yung picture na ‘yan at may darating na blessing sa ‘yo bukas ng umaga”. People like Jesus dahil mahal natin ‘yung blessings na nakadikit kay Jesus at hindi dahil mahal natin si Jesus.

Tayo ay mga Christians. ‘Yung title na ‘to ay connected kay Christ at sa ginawa ni Christ. Nawawalan ng halaga ang pagiging Christian ng isang tao kung hindi ito ‘yung pagiging Christian na gusto ng Panginoong Jesus. Ganun din naman, nawawalan ng halaga ang buhay the moment na hindi na ito connected sa Panginoong Jesus.

Kung maginhawa ang buhay at ikaw ay na kay Kristo, mabuti ‘yun. Kung mahirap ang buhay at maraming problema at maraming luha at maraming kabigatan at ikaw ay na kay Kristo, mabuti ‘yun. At the end of the day, yung buhay na ‘to ay matatapos and the only thing that would matter is kung ikaw ay na kay Kristo.

“I came that they may have life and have it abundantly.”

Sa salin ng Ang Biblia, ang sabi, “ Ako’y pumarito upang sila’y magkaroon ng buhay, at magkaroon nito nang may kasaganaan.” Again, hindi materyal na bagay ang ino-offer dito ng Panginoong Jesus. Hindi materyal or mga bagay na temporary ang in-offer niya noon sa mga Judio at hindi rin ito ang ino-offer niya sa atin ngayon.

Kung nakakayaman lang ang pamumuhay sa Gospel, bakit mahirap pa din ang inyong mga pastor? Bakit mahihirap pa din ang mga missionaries?

Yung word na kasaganaan or abundantly, ang Greek translation nito ay “perisson” na ang ibig sabihin ay super abundant, superior, overflowing or excessive.
Tinuturuan tayo ng Panginoong Jesus na sa kanya lamang natin talaga mararanasan yung satisfaction na ang feeling natin ay super abundant. Na nag-uumapaw yung pag-ibig niya at biyaya sa atin. Na dahil dito kung papipiliin tayo ay laging siya ang pipiliin natin. Na hindi na natin hahanapin pa sa kasalanan yung joy and satisfaction. At kung tayo man ay mahulog sa kasalanan, ito pa ring abundance of life and grace and love of Christ ang sobra sobra pa din para ikaw ay patawarin at yakapin muli sa piling niya.

This abundant life ay more than enough para sa lahat ng tao. It’s more than enough para sa lahat ng makasalanan mula pa ng likhain ang mundo hanggang magunaw ang mundo.

I came that they may have life and have it abundantly.

Verse 11, I am the good shepherd. The Good Shepherd lays down his life for the sheep.

‘Yung verse 11 ay sumasagot sa tanong mula sa verse 10 kung paano tayo binigyan ng Panginoong Jesus ng abundant life. Ginawa niya ‘yun sa pamamagitan ng pag-aalay ng kanyang sariling buhay.

Tinawag ni Jesus ‘yung sarili niya na the Good Shepherd. Hindi niya inimbento yung title na ‘yun. Hindi niya hinugot yung title na ‘yun kung saan lang. Tinawag niya ‘yung sarili niya na Good Shepherd referring back sa Ezekiel 34, kung saan ginamit mismo ni Yahweh ‘yung title na ‘to para sa kanyang sarili, ‘yung title na Good Shepherd.

Ezekiel 34: 11-15
Ito ang ipinapasabi ng Panginoong Yahweh: “Ako mismo ang maghahanap at mag-aalaga sa aking mga tupa. Kung paanong hinahanap ng pastol ang tupa niyang nawawala, gayon ko hahanapin ang aking tupa. Kukunin ko sila saanman sila itinapon noong panahon ng kanilang kasamaan. Titipunin ko sila mula sa iba’t ibang dako upang ibalik sa sarili nilang bayan. Doon ko sila aalagaan sa kaparangan ng Israel, sa tabi ng mga bukal ng tubig at sa magagandang pastulan. Aalagaan ko sila sa sariwang pastulan sa tahimik na kaburulan ng Israel. Mamamahinga sila sa sariwang pastulan at manginginain ng sariwang damo sa kaburulan ng Israel. Ako mismo ang magpapastol sa kanila at hahanap ng kanilang pahingahan.

Verse 31. Akong si Yahweh ang nagsabi nito. Kayo ang aking mga tupa sa aking pastulan; ako ang inyong Diyos.”

The term ‘Shepherd’ ay isa ring common metaphor na tumutukoy sa isang hari kung saan iniingatan ng isang hari ang kanyang mga nasasakupan tulad ng pag-iingat ng isang shepherd sa kanyang mga tupa. Obviously, sa history ng Israel, maraming dumaan sa kanila na mga bad shepherd and bad kings. Sila actually yung tinutukoy dito ni Jesus na thief sa verse 10 kasama na din yung mga pariseo at tagapagturo ng kautusan na ginagamit ang kanilang kapangyarihan para magpayaman at pahirapan ang mga tao . “The thief comes only to steal and kill and destroy.”

Kaya nung sabihin ni Jesus na siya ay Good Shepherd, sinasabi niya na siya ang fulfilment nung sinasabi sa Ezekiel 34. Na siya ang may kapangyarihang magparusa sa bad shepherd na tinutukoy ni Propetang Ezekiel sa Ezekiel 34:7-10. Sabi dun.

7 “Dahil dito, mga pinuno, dinggin ninyo ang aking sinasabi: 8 Ako ang Diyos na buháy. Ang mga tupa ko’y pinipinsala at nilalapa ng mababangis na hayop sapagkat walang nangangalaga sa mga ito. Hindi hinahanap ng mga pastol ang aking mga tupa. Sa halip na alagaan nila ang mga ito, ang sarili nila ang binubusog. 9 Kaya nga makinig kayo, mga pastol. 10 Pakinggan ninyo itong aking sinasabi: Laban ako sa inyo. Pananagutan ninyo ang nangyayari sa aking mga tupa. Hindi ko na kayo gagawing pastol upang hindi na ninyo mabusog ang inyong sarili. Ilalayo ko sa inyo ang aking mga tupa at hindi na ninyo mapapakinabangan ang mga ito.”

Si Jesus yung fulfilment ng Ezekiel 34. Na siya yung Diyos na may kakayahang magligtas, mag-alaga at manguna sa bawat tupang nagtitiwala sa kanya. First to the Jews but also the Greeks or Gentiles.

Jesus is the Good Shepherd. Parang walang sense kung mamamatay ang Shepherd, ‘di ba’t lalo lang mapapahamak ang mga tupa ‘pag wala silang Pastol na nagbabantay sa kanila?

Ang problema ng mga tupa, hindi nila alam na diretso sila sa katayan. Kung paanong kailangang ialay ang mga tupa bilang pambayad ng kasalanan ganun din tayo na wala tayong ibang pwedeng ipambayad sa kasalanan natin kundi ang sarili nating buhay. Ang nag-iisang solusyon para hindi na tayo katayin ay yung mayroong mamatay para sa atin. Ginawa ni Jesus ang hindi kayang gawin ng lahat ng mga nagdaang hari at shepherd sa Israel. Siya ang tunay na nagmamahal sa kanyang mga tupa.

Kaya mayroong mabuting balita, dahil meron tayong mabuting pastol na nag-alay ng kanyang buhay para sa ating mga makasalanan. Para sa kanyang mga tupa, handa niyang ialay ang kanyang sariling buhay. Darating ang araw na titipunin ng Panginoong Hesus ang lahat ng kanyang mga tupa sa iba’t ibang lugar sa buong mundo at kung ikaw ay isa sa mga tupa ni Jesus, hindi mo yun mami-miss. Tulad ng sabi sa verse 3. “pinapakinggan ng mga tupa ang kanyang tinig. Tinatawag niya ang kanyang mga tupa sa pangalan,”

Imagine ‘yung araw na tatawagin ka ni Jesus sa pangalan mo. It will be the sweetest voice na maririnig mo sa tanang buhay mo. Si Jesus na napako sa krus ay siya ding Jesus na yayakap sa ‘yo, si Jesus na pinahirapan, namatay, at muling nabuhay ang ating portion, ang ating prize, ang ating treasure. Siya ang naghihintay sa bawat isang nananampalatya at sumusunod sa kanya.

Ama, salamat po sa iyong plano na iligtas kaming mga makasalanan. Salamat po sa aming Panginoong Hesus. Salamat po sa kanyang pagdating, sa kanyang kamatayan, sa kanyang muling pagkabuhay at sa buhay na walang hanggan. Sa ‘yo ang papuri at karangalan.