The Gospel and Personal Conflicts (1 Cor. 6:1-11)

Preached by Derick Parfan on Aug. 25, 2019 at Baliwag Bible Christian Church

Handling Conflicts

Kagagaling lang naman this week ni Jodi sa Maguindanao to visit our partner missionaries there. Naikuwento sa amin ang maraming mga armed conflicts between families, between political rivals, pati army vs rebels. Napuntahan rin namin yung area sa Ampatuan town na tinatawag na Maguindanao Massacre, kung saan noong November 23, 2009 ay pinatay nina Datu Andal at anak niyang si Datu Unsay kasama ang mga tauhan nila ang 58 katao, kasama ang asawa at mga anak ng tatakbong gobernador na si Mangudadatu, kasama ang 30 plus na miyembro ng local media. Nakakapangilabot ang nangyari. Pero hindi siya ganun ka-shocking kung alam natin ang lalim ng depravity of the human heart. 

Pero mas nakalulungkot na marinig naming kuwento ay ang kapwa Cristiano, fellow missionaries na pinagkatiwalaan nila pero na-mishandle ang mga funds for missions, na nagresulta sa confusions, betrayal of trust, broken relationships, at pati testimony nila sa mga unbelievers naapektuhan din obviously. 

Sa haba rin ng kasaysayan ng church marami ring mga kuwento tungkol dyan. Ngayon siguro meron din namang mga conflicts between members, maybe silent lang yung iba. Pero merong nag-aaway, hindi man magkasakitan physically pero merong nagsasalita ng negative against another member. Ikukuwento sa iba, lalo na kung ang isyu tungkol sa pera, may nangutang na di nagbayad, may nangakong gagawin di naman ginawa, merong kontrata na sinira, merong pangako na di tinupad, merong miyembro na may complaints sa ibang miyembro o sa isang church leader.
Normal lang naman ang conflicts sa church. Meron din biblical way of resolving conflicts.

Naging series na rin natin ‘yan (The Peacemaker) a few years ago. Pareho din ‘yan halos ng proseso sa church discipline sa Matt. 18:15-17, na ang bungad ay: “If your brother sins against you…” Ang point ng steps doon ay ayusin agad, kausapin nang sarilinan, pag-usapan, apply the gospel in resolving conflicts, hindi pagtsismisan o pag-awayan. Admittedly, we don’t handle conflicts very well. Maybe because yung culture natin ay shame-based. Pero mas malamang na explanation or reason ay dahil sa pride at self-centeredness, at pati na rin yung failure natin to apply the gospel to our prideful hearts in fixing our relational problems. 

Problem (6:1): Lawsuit against a fellow-believer

‘Yan din ang malaking problema nitong iglesiya sa Corinto. Meron silang problem sa disunity and divisions sa church, meron din sa kanya-kanyang allegiance at loyalty sa church leaders nila, meron ding failure to discipline yung sinning members, ang daming problema nito! Heto pa: “Kapag may reklamo ang isa sa inyo laban sa kanyang kapatid, bakit dinadala niya (o, bakit nangahas pa kayong dalin) ito sa hukom na hindi sumasampalataya sa Dios? Dapat dalhin niya ito sa mga sumasampalataya sa Dios” (ASD).

Ano ang sitwasyon? Merong “reklamo” (grievance/dispute), hindi lang maliit na reklamo, merong malaking atraso ang isang miyembro sa isang miyembro na nag-provoke na itong naagrabyadong miyembro ay nagsampa na ng kaso sa korte. Maybe isang business dealing na di natupad ng isa yung condition ng contract. O merong utang na dapat bayaran pero di nabayaran. O merong nandaya. Probably money was the issue, tutal “the love of money is the root of all kinds of evil.” It brings out the worst in the human heart, even the best of saints. Although di tayo sure kung ano ang nature ng problem. Pero tulad ito siguro nung nakausap ko na member natin na contractor na merong kinontrata na church project sa ibang church pero di nakabayad nang maayos, siya pa ang nireklamo sa barangay. O kaya kung may natsismis tayo na galit natin sa ibang members ng church at sa mga unbelievers mo pa sinabi. O yung mga pastors na nagdedebate sa social media at nagiging heated at personalan ang discussion, na nababasa ng mga unbelievers. 

Ano naman ang mali dun? Parang sinasabi ni Paul dito na “how dare you”! “Bakit ang lakas ng loob n’yo o kumpiyansa kayong tama ang ginawa n’yong dinala n’yo ang kaso sa mga unbelievers? As if you are so confident that this is the way, the only way to solve the problem.” Masyado nang nakundisyon kasi ang isip natin ng pamamaraan ng mundong ito, kaya kailangang i-recalibrate o i-reformat yung mind natin to think biblically. We have the mind of Christ, we have the Spirit inside us. Ang ginagawa nila, dinadala nila yung kaso “before the unrighteous, instead of the saints.” Hindi ibig sabihing walang maitutulong ang mga unbelievers sa atin. Kaya nga tayo merong gobyerno, police force, justice system kasi kailangan natin. At may mga kasong dapat talaga nating idulog sa kanila, lalo na kung hahayaan natin ay makasasama sa ibang tao. But in most personal conflicts sa church… 

Ano ang tamang dapat gawin? If the problem is between fellow Christians, settle the matter first between each other (Matt. 18:15). The help we need to solve our problems inside the church cannot be found outside the church. God has given us the resources we need for that. Alam naman natin ang dapat gawin pero hindi natin magawa, we don’t have the power to do that dahil sa will of our desire to get what we want. Kaya ipapaalala ni Paul yung mga alam na nila pero nakakalimutan nila at hindi nila masyadong pinaniniwalaan. 

The help we need to solve our problems inside the church cannot be found outside the church. God has given us the resources we need for that.

Pansinin n’yong paulit-ulit yung form of question niya na, “Do you not know? (5:6; 6:2, 3, 9, 15, 16, 19) – “Hindi n’yo ba alam…”? 3 times sa text natin ngayon, 3 times sa text natin next week, first time sa chap. 5. The problem is not merely ignorance or lack of education or lack of teaching. Ang problema ay nasa puso natin, yung gospel amnesia, forgetting what Jesus has done for us and who we are now in him (gospel identity). We forget na merong malaking pagkakaiba ang identity natin bilang “saints” sa mga non-Christians described by Paul as “unrighteous.” The issue is fundamentally an identity issue. You need to know who you are in Christ and believe that deeply in your heart. Mula pa chapter 1 ginagawa na niya ‘to. Ang church, at tayo bilang mga Christians na kabilang sa church, merong ibang identity. Apat na bagay related dito ang binigyang-diin ni Paul from vv. 2-11.

The authority we have as a church (6:2-4)

Ang una ay may kinalaman sa authority natin as a church of Jesus. Sa vv. 2-4 dalawang beses na agad ginamit ni Paul yung “do you not know” sa text natin. “Hindi nʼyo ba alam na sa mga huling araw tayong mga banal ang hahatol sa mga tao sa mundo? At kung kayo ang hahatol sa mga tao sa mundo, wala ba kayong kakayahang hatulan ang maliliit na bagay na iyan? Hindi nʼyo ba alam na tayo ang hahatol sa mga anghel? At kung kaya nating gawin ito, mas lalong kaya ninyong ayusin ang mga alitan sa buhay na ito. Kaya kung mayroon kayong mga alitan, bakit dinadala pa ninyo ito sa mga taong hindi kinikilala ng iglesya?” 

Mula pa verse 1 hanggang dito sa verse 2 ang tawag sa kanila ni Paul ay mga “saints” (ganun din sa 1:2), pati sa 3:17 bilang templo ng Holy Spirit. Yun ang identity nila, although siyempre dahil sa kasalanan hindi laging umaasta na parang mga saints, para pa ngang mga unbelievers. Like in this case. Ipinapaalala sa kanila na nakakalimutan na nila ang authority na meron ang church to exercise discipline among its members (chap. 5) and to resolve conflicts among its members (dito sa chap. 6). Sinabi na niya sa last verse ng chapter 5 na ang authority natin ay to judge those who are inside the church, yung mga fellow believers na, not those who are outside, yung mga unbelievers. 

Pero that time will come. Sa pagbabalik ng Panginoong Jesus, Paul was reminding them, King Jesus will reign over all, at tayo naman we will reign with him. Kasama dun yung pag-judge natin sa mga unbelievers at sa mga fallen angels. That time will come, hindi pa ngayon yun. We still submit to human government, kahit unbelievers sila. Pero ang point dito ni Paul, although we don’t know exactly the details of our judging unbelievers and demons, we must not miss the implication. Kung ano ang future reality, we can start practicing now among ourselves. Kung ano ang greater reality, we can start applying sa mga lesser matters sa church now. Kung sa maliit na bagay ngayon di tayo mapagkatiwalaan at di tayo nagiging tapat, paano pa yung mas malaki na darating pa?

In light of the authority we have as the church of King Jesus, anumang conflicts na meron tayo sa church, reresolbahin natin dito sa loob, at hindi dadalhin sa labas. Klaro? 

Our God-given ability (6:5-6)

Heto pa ang ikalawang aspect ng identity natin as a church na dapat nating alalahanin. Binigyan na tayo ng Diyos ng ability para ayusin anumang problema na meron tayo sa relationships natin with one another. Dahil nakakalimutan nila yun, kaya sabi ni Pablo, “Mahiya naman kayo! Wala na ba talagang marurunong sa inyo na may kakayahang umayos ng mga alitan ng mga mananampalataya? Ang nangyayari, nagdedemandahan ang magkakapatid sa Panginoon , at sa harapan pa ng mga hindi mananampalataya” (vv. 5-6)! Strong words ‘yan. Inulit na naman niya ang maling ginagawa nila, nagdedemandahan kayo na magkakapatid sa Panginoon, ipinanamumukha n’yo sa mga unbelievers ang problema n’yo.

Hindi lang yun, pinapakita n’yo pa na wala kayong kakayahan to resolve that problem yourselves. Kaya sabi niya, mahiya naman kayo! 
Bakit? Not because Paul cares about the reputation of the church or himself or anyone. Reputasyon ni Cristo ang nakasalalay dito. How people perceived the gospel that we are proclaiming to them ang nakasalalay dito. Sinasabi natin na the gospel is the power of God and the wisdom of God (1:18, 24). Nasan ang power ng gospel kung sa mga unbelievers tayo lalapit? Nasaan ang wisdom na galing sa Holy Spirit kung sinasabi nating we need the wisdom of this world to resolve our conflicts? Shame on you, sabi ni Paul. You are Christians, but not acting like one. It is not honor for us to be like the world. It is a shame. For a church is a holy nation, a distinct people, saints. Ano ang pinagkaiba natin sa mundo kung the way we approach conflicts pareho lang din nila? 

Brother versus brother. Sister versus sister. Pastor versus pastor. Para tayong mga nasa boxing ring na pinapanood ng mga unbelievers, while they are amused and mocking the gospel na sinasabi nating the power of God for salvation. Kung makipagtalo ang iba sa social media, parang pinapanood tayo ng mundo na nagsasabong o nagboboxing. 

Nasa atin ang Holy Spirit. We have spiritual gifts. We have Spirit-filled leaders who are wise enough to help you settle disputes. Trust God, trust the church, trust your brothers and sisters. Anumang conflicts na meron tayo sa church, kailangang ayusin natin sa loob, at hindi dalhin sa labas. We have God-given authority, we have God-given ability. Gamitin natin.

The church as the body of Christ (6:7-8)

Ikatlong bagay na we need to realize about our identity as Christians na makakatulong sa atin to resolve our conflicts sa church – the church is the body of Christ. Isang katawan, isang pamilya, ‘yan ang iglesya. Paul will talk about this in more detail sa chapter 12. Pero dito sa vv. 7-8, ipinamumukha niya kung ano ang magiging epekto sa ‘yo at sa church kapag you are trying to win a case against a fellow member of the body, your church family. Hindi ka panalo, siguradong talo ka! “Kayo mismo ang talo sa pagkakaroon ninyo ng mga kaso laban sa isaʼt isa. Bakit hindi na lang ninyo tiisin ang mga gumagawa ng masama at nandaraya sa inyo? Ngunit ang nangyayari, kayo pa mismo ang gumagawa ng masama at nandaraya, at ginagawa ninyo ito mismo sa inyong kapatid sa Panginoon.” 

Wala pang trial, wala pang outcome, talo ka na. Kahit manalo ka, talo ka. Bakit? You are part of the body of Christ, your opponent a part of the body of Christ. One member suffers, the whole body suffers together. “If one member suffers, all suffer together; if one member is honored, all rejoice together” (12:26). Gusto mong manalo, patunayan na ikaw ang tama, sabi ni Paul, actually it’s your loss. Lugi ka, lugi ang church. Anumang unresolved conflicts, yung mga pag-aaway na di naresolba sa peaceful and biblical na paraan ay makakasama sa church. Subukan mo ngang suntukin ang sarili mo, masakit di ba? Nangyari na ‘yan sa history natin long before I became a pastor. Talagang matindi efforts ng both parties para patunayan kung sino ang tama, sino ang mali. That was a no win situation, lose-lose ‘yan.

Kung ganyan ang misyon mo sa buhay, akala mo ikaw ang sentro ng mundo, akala mo life is all about you. You forget you have a responsibility to the church as a member. Na gawin ang lahat para sa ikabubuti ng iglesya. Kaya tanong niya, “Bakit hindi n’yo na lang tiisin…?” Sabi niya, it is better to suffer wrong (injustice) and be defrauded (robbed, scammed) than to win a lawsuit against a fellow believer. Of course, we want fairness, we want justice, we want to get paid kung may utang sa atin. But if winning, getting what you are owed, means losing a brother, damaging a relationship, it is not worth it. Di bale nang di makabayad, basta manatili ang relasyon. 

Nagkaroon kami ng problema ng kaibigan ko noon, a brother in the Lord but from a different church. Naloko kasi kami sa investment namin, siya ang kausap ko, pero hindi naman siya ang may kasalanan. Nangako siyang babayaran niya ko. Pero sabi ko sa kanya, “Kung makakabayad ka, okay. Kung hindi naman, ‘wag mong alalahanin yun. Ang mahalaga manatili pa rin tayong magkaibigan sa kabila ng nangyari. As a result, pati yung asawa ng babae na naging dahilan kung paano na-scam yung pera namin, pastor din, at ngayon close friend ko na and a partner in the gospel. 

Pero siyempre, kung meron kang utang, wag mo namang abusuhin ang kabaitan ng kapatid mo sa Panginoon. Magplano ka na magbayad. Ang please, iwasan natin ang magpautang sa isa’t isa. Kung makapagbibigay ka, ibigay mo na lang kung ano ang kaya mo. At kung magpapautang ka, resolve in your heart na di magiging hadlang ‘yan sa relasyon n’yo bilang magkapatid sa Panginoon. 

Maaaring ikaw ang may kasalanan, o ikaw ang naagrabyado. Maybe ikaw ang walang kasalanan. Pero when you settle problem sa lawcourt, or in the court of public opinion (social media post!), reputation of another will suffer, mahirap makarecover, it is a greater loss than financial loss. Unfair sa ‘yo, yes, pero naging unfair ka rin. If you are a Christian, you are part of the body, God’s family. We are called to love one another. Love is self-giving, sacrificial, not taking advantage of others for your own gain.

So, kung may problema tayo sa relasyon sa ibang members ng church, ayusin natin dito sa loob. As a church, meron tayong authority, meron tayong ability na bigay ng Diyos. At tandaan natin, we are fellow members of Christ’s body. 

Our destiny as Christians (6:9-11)

Authority. Ability. Body. Ngayon naman, itong pang-apat, yung destiny nating mga Christians na iba sa mga non-Christians. Itong verses 9-11 will also serve as bridge sa next problem na itatackle ni Paul sa vv. 12-21 about sexual immorality, pero this is also part of his argument para ipaalala sa atin yung identity natin in Christ. Heto na yung pangatlong “do you not know” sa text natin, “Hindi nʼyo ba alam na hindi magmamana ng kaharian ng Dios ang masasama? Huwag kayong palilinlang! Sapagkat kailanmaʼy hindi magmamana ng kaharian ng Dios ang mga imoral, sumasamba sa dios-diosan, nangangalunya, nakikipagrelasyon sa kapwa lalaki o babae, magnanakaw, sakim, lasenggo, mapanlait, at mandarambong” (vv. 9-10).

Ano ang koneksyon nito sa argument ni Paul tungkol sa pagdadala ng mga kaso nila o conflicts nila sa korte ng mga unbelievers? Parang sinasabi niyang, “Bakit umaasta kayo na parang mga unbelievers? Hindi n’yo ba alam kung ano ang destiny nila? Heto ang kahahantungan nila, hindi sila magmamana ng kaharian ng Diyos. Dalawang beses niyang binanggit iyan for emphasis. In other words, they don’t have what you have. They will not enter God’s kingdom. Wala silang eternal life. Hindi lang ito warning sa mga unbelievers, ito rin ay warning sa mga “believers” na umaasta na parang mga unbelievers, kaya sabi ni Paul, “Do not be deceived.” O, wag mong lokohin ang sarili mo. Yung lifestyle mo baka tulad din ng mga non-Christians, baka hindi ka talaga tunay na “born-again.” Baka. 

The way you deal with conflicts baka nagpapakita na ang satisfaction mo wala kay Cristo. Tulad nitong mga binanggit sa listahang ito – yung mga sexually immoral hinahanap nila yung satisfaction nila sa sexual pleasures; yung mga idolaters, their heart longs for false gods like money, sex and power; yung mga adulterers, dahil hindi sila satisfied sa asawang bigay ni Lord naghahanap sila ng iba; yung mga “men who practice homosexuality” – two words ‘yan sa Greek referring to both passive and active partners sa isang homosexual relationship – hindi sila satisfied sa gender na bigay sa kanila ni Lord bilang lalaki o bilang babae; yung mga “thieves” hindi sila satisfied kung ano ang meron sila, kukuhanin nila ang hindi para sa kanila; yung mga “greedy” ganun din, nag-aakalang sa dami ng material possessions they can be satisfied; yung mga “drunkards” akala sa pag-inom, pagdodroga o anumang bisyo ang makakarelieve ng stress and loneliness nila; yung “revilers” akala na masisiyahan sila kapag sinisiraan nila ang ibang tao; yung mga “swindlers” gagawin ang lahat makuha lang ang gusto nila.

‘Yan ang buhay ng mga unbelievers. Ano ang pinagkaiba natins a kanila? Are we any better than them? No! Sabi ni Pablo, “At ganyan nga ang ilan sa inyo noon. Ngunit nilinis na kayo sa inyong mga kasalanan at ibinukod na kayo ng Dios para maging kanya; itinuring na kayong matuwid dahil sa Panginoong Jesu-Cristo at sa Espiritu ng ating Dios” (v. 11). You were washed, hindi mo nilinis ang sarili mo. Ang Diyos ang naglinis sa ‘yo, referring dun sa bagong pagkatao na meron ka (regeneration/new birth). You were sanctified, ang Diyos ang nagbukod sa ‘yo at nagpapabanal sa ‘yo. You were justified, hindi dahil matuwid ka, kundi dahil si Cristo ang namuhay na matuwid para sa ‘yo, namatay sa krus para sa mga kasalanan mo, at muling nabuhay para tiyaking magkakaroon ka ng bagong buhay. Lahat ito ay totoo sa ‘yo if you believed “in the name of the Lord Jesus Christ,” at kung nasa ‘yo ang Banal na Espiritu.

As Paul ends this section, ibinabalik niya sila sa gospel. Ipinapaalala niya sa atin na our life is not about us, hindi ito tungkol sa ginagawa natin para sa Diyos kundi sa ginawa na niya at ginagawa para sa atin. The Father, the Son, the Spirit – at work para iligtas tayo, para baguhin tayo, para tulungan tayo sa pakikipaglaban sa anumang selfishness at pride na natitira sa atin kaya nahihirapan tayo na makipag-ayos sa sinumang nakasamaan natin ng loob. Because of that gospel, sigurado tayo dun sa “inheritance” na naghihintay sa atin sa pagbabalik ng Panginoong Jesus. Dapat nating alalahanin na sigurado yung destiny na yun para sa atin. Okay lang mawalan ngayon, okay lang maagrabyado ngayon, okay lang ma-scam ang investment ngayon, kung ang matatanggap naman natin in the future is far far better.

Nung nabalitaan namin more than eight years ago na yung investment namin na nakalaan sana pampagawa namin ng bahay ay natangay na, siyempre malungkot. At yung isang Christian din na nag-manage nung investment na yun ay nabalitaan pa naming may involvement dun, mas masakit siyempre. Pero na-release namin sa Panginoon, merong forgiveness, merong restoration of relationship kasi pinatutunayan sa amin ng Panginoon na ang sufficiency namin ay nasa kanya, ang kayamanan namin ay nasa kanya, our future is in his hands.

Anuman yung difficulty na meron ka sa relasyon mo sa ibang members ng church or other Christians from other churches, malaki man o maliit na problema, tandaan mo palagi ang ginawa ni Cristo para sa ‘yo (the gospel), giving you a radically different identity as a Christian, as a saint. Merong bigay na authority at ability ang Diyos sa church, and we are one body in Christ, na merong destiny na far far better than non-Christians. Minsan umaasta ka na parang hindi santo. Sa anumang relasyon na meron ka, may you represent Jesus, act in the power of the Spirit, and live like a true child of the King.

Share your thoughts about this post...

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

Powered by WordPress.com.

Up ↑

%d bloggers like this: